Società Sportiva Calcio Napoli

'A Società Sportiva Calcio Napoli, detta 'o Napule è na squadra 'e pallone 'taliana, 'a prencepale d"a cità 'e Napule. Fuje funnata 'o 1926 'ncopp"o vulere 'e Giorgio Ascarelli cu 'o nomme 'e Associazione Calcio Napoli, piglianno appriesso 'o nomme ca tene mo ô 1964.

SSC Napoli
Pallone
Football pictogram.svg
SSC Neapel.svg
Azzurri, Partenopei
Segne distintive
Uniforme 'e gara
Maneca senista
Maneca senista
Maglietta
Maglietta
Maneca destra
Maneca destra
Pantaloncine
Calzettone
Calzettone
Casa
Maneca senista
Maneca senista
Maglietta
Maglietta
Maneca destra
Maneca destra
Pantaloncine
Calzettone
Calzettone
Trasferta
Maneca senista
Maneca senista
Maglietta
Maglietta
Maneca destra
Maneca destra
Pantaloncine
Calzettone
Terza divisa
Culore suggialeAzzurro con N cerchiata.svg Azzurro
SimbuleCiuccio
Inno'O surdato 'nnammurato
Aniello Califano e Enrico Cannio
Date suggietare
CitàNapule
PaeseFlag of Italy.svg Italia
CunfederazziuneUEFA
FederazzioneFlag of Italy.svg FIGC
CampiunatoSerie A
Funnazzione1926
Rifunnazzione2004
PruprietarioItalia Filmauro S.r.l.
PresirienteItalia Aurelio De Laurentiis
AllenatoreItalia Luciano Spalletti
StadioDiego Armando Maradona
(54 726 poste)
Sito webwww.sscnapoli.it
Palmarès
Scudetto.svgScudetto.svg Coccarda Coppa Italia.svgCoccarda Coppa Italia.svgCoccarda Coppa Italia.svgCoccarda Coppa Italia.svgCoccarda Coppa Italia.svgCoccarda Coppa Italia.svg Supercoppaitaliana.pngSupercoppaitaliana.png Coppauefa.png
Scudette2
Titule nazzionale1 Campionato di Serie B
Trofee nazzionale6 Coppe Italia
2 Supercoppe italiane
Trofee 'nternazzionale1 Coppe UEFA/Europa League
1 Coppa delle Alpi
1 Coppa di Lega Italo-Inglese
Soccerball current event.svg Staggione 'n corso
Collabora a Wikiquote« Tuttu quante diceno: chisto é stato 'o meglio d"o Barcellona, chisto é stato 'o meglio d"o Real Madrid, chisto é stato 'o meglio d"o Chelsea, chisto é stato 'o meglio... Je so' cuntento 'e essere stato 'o meglio a Napule »
(Diego Armando Maradona, 'a cunzegna d"o pallone d'oro 'a carriera, 1995)

'A squadra tene comme stemma 'o ciuccio, pe' tramente 'o colore è l'azzurro. Joca 'e partite 'e casa dinto 'o stadio Diego Armando Maradona a Forerotta d"o 1959.

Joca dinto 'a Serie A, 'a cchiù 'mpurtante serie d"o campionato 'taliano. 'O Napule ha vinciuto ddoje Scudetti (1986-1987 e 1989-1990), sèie Coppe Nazziunali (1961-1962, 1975-1976, 1986-1987 e 2011-2012, 2013-2014, 2019-2020), ddoje Supercoppe 'taliane (1990 e 2014) e na Coppa UEFA (1988-1989), cchiù na Coppa 'e ll'Alpi (1966) e na Coppa 'e Lega Italo-ngrese (1976). Pe' grazia 'e cheste vittorie 'o Napule è 'a cchiù vittoriosa squadra d"o Meridione, e chella ca ha iucato cchiù vvote 'a Serie A (74 vvote).

Storia

D"o Naples ô Napoli

'A primma squatra 'e pallone a Napule, 'o Naples Foot-Ball & Cricket Club, fuje criat' ô 1904 da n' ngrese, James Poths, e nu ngigniere napulitano, Emilio Anatra. Aroppo dduje anne fuje chiammata Naples Foot-Ball Club. Ô 1912 'a parte napulitana se scazzellaje da chella ngresa e funnaje n"ata squatra, ll'Unione Sportiva Internazionale Napoli. Ma pe' pprobleme 'e sorde, 'e ddoje suggità s'aunirono int"a na nova squatra, 'o Foot-Ball Club Internazionale-Naples, canusciuto pure comme FBC Internaples.

Ô primmo 'e austo d"o 1926 chiammajeno 'a squadra Associazione Calcio Napoli, e 'o primmo preserente fuje Giorge Ascarelli, nu giovene 'mprenditore 'ndustriale 'e origine ebbreja. 'E jucatore cchiù mpurtante 'e chilli anne fujeno Attila Sallustro ("il Veltro"), ca havette arrihalata na machina d"a suggità pecché pe' vuluntà d"a famiglia soja nun era pavato, e Antuono Vojak. Ma 'e primme resultate d"a squatra nun ereno bbuone (pe' ddoje vote 'e fila 'a squatra se ne scennette 'a Serie B, ma fuje ripescata a 'dda FIGC) e accussì 'e napulitane cagnajeno 'o cavallo ca steva ncoppa 'o blasone d"a suggità cu nu ciucciariello. Ascarelli murette giovene e 'o stadio fuje chiammato co 'o nomme suoje, ma 'e fasciste nun 'o permettettero pecché era ebbrejo.

'E ll'anne '30 e '40

Ô 1936 Achille Lauro, futuro sinneco d"a cità, s'accattaje 'o Napule e vennette 'e jucature cchiù abbele, e accussì â fine d' 'o campiunato 1941-42 'o Napule scennette â Serie B1943, però, pe' mmiezo d"a guerra,'a squatra se sciugliette, ma d"e cennere 'e ddoje suggità, 'a Società Sportiva Napoli e 'a Società Polisportiva Napoli, ô 1945 nascette ll'Associazione Polisportiva Napoli, ca ddoje anne aroppo arrepigliaje 'o viecchio nomme 'e Associazione Calcio Napoli.

'E ll'anne '50 e '60

Aroppo n'ata retrucessione â Serie B pe' illecito spurtivo (1948), 'a squatra finarmente turnaje â Serie A (1950). P"o campiunato 1952-53 Lauro accattaje 'o svedese Hasse Jeppson p''a cifra sprupositata 'e cientecinque meliune: 'e tifuse 'o chiammajeno picciò 'e cuntranomme "'o Banco 'e Napule". Ati jucature famuse 'e stu periodo fujeno 'o brasiliano Luís Vinicio ("'o Lione") e ll’argentino Bruno Pesaola ("il Petisso").

Ô campiunato 1960-61 nce fuje n'ata retrucessione â Serie B; ma ll'anno appriesso Pesaola, addeventato allenatore, purtaje 'o Napule â prumuzzione e a vencere 'a Coppa Italia ('a primma e unneca suggità 'e Serie B a ngarrà sta mpresa). Sciso n'ata vota â serie cadetta, 'o Napule turnarrà â Serie A dduje anne aroppo e nce rimarrà 'nfino ô 1998.

Ô 25 'e giùgno 1964 'a suggità cagnaje 'o nomme e se chiammaje Società Sportiva Calcio Napoli.

'O preserente Lauro pigliaje 'e suddamericane Omar Sivori e José Altafini e 'o Napule vincette 'a Coppa 'e ll'Alpi (1965-66). Ati jucature famuse 'e stu periodo fujeno 'o brasiliano Canè, 'o futuro purtiere campione d' 'o munno Dino Zoff e 'o napulitano 'e San Giuanne a Teduccio Antuono Juliano.

'E ll'anne '70

Ô 1969 nu giovane ngigniere, Currado Ferlaino, s'accattaje 'o Napule. Ô campiunato 1974-75 'a squatra arrivaje ô siconno posto pe' ddoje punte aroppo 'a Juventus, e ll'anno appriesso vincette 'a siconna Coppa Italia. Ll'allenatore 'e chistu periodo era Luís Vinicio. Mmece cu Pesaola vincette 'a Coppa 'e Lega Italo-ngresa (1976-77).

Maradona

Cu ttutto ca venettero pe' tramente a Napule jucature gruosse comme Giuseppe Savoldi, Ruud Krol e Daniel Bertoni, 'a squatra nun havette 'o canzo 'e vencere 'o scudetto. Ma ô mese 'e maggio d"o 1984 finarmente se quagliaje ll'accordo cu 'e spagnuole d"o Barcellona pe' trirece maliarde 'e lire e Diego Armando Maradona addeventaje jucatore d"o Napule: ô 5 'e luglio nu stadio San Paolo chino salutaje chillo ca è cunsiderato 'o cchiù grande jucatore d"a storia d"o pallone.

E 'o campiunato 1986-87 vedette 'o Napule finarmente campione 'e ll'Italia. Chill'anno vencette pure 'a terza Coppa Italia, senza perdere nemmanco na partita. Ncopp"a panchina nce steva Ottavio Bianchi.

 
Maradona e Ferlaino ca Coppa Uefa

Ll'anno appriesso, aroppo na staggione sana ncimma â classifeca, misteriusamente 'o Napule se vedette superato all'urdemo d"o Milan, ca rusecanno punte vincette 'o scudetto. Se parlaje allora 'e na mbrusatura 'e scummesse clandestine. staggione 1988-89 'a squatra arrivaje n'ata vota siconna aroppo a ll'Inter, ma vencette 'a Coppa Uefa.

'O 1990 fuje n'ato anno 'e granne risultate: 'o Napule vincette 'o siconno scudetto e pure 'a Supercoppa 'taliana. Si Maradona era 'o rre 'e Napule, nun se ponno però scurdà ati jucature 'e chillu tiempo, comme 'e brasiliane Careca e Alemão, Bruno Giordano, Salvatore Bagni, Fernando De Napoli, Ciro Ferrara, Andrejo Carnivale.

D'ê ll'anne '90 ê juorne nuoste

Ma aroppo 'a Supercoppa fernettero chill'anne 'e vittorie e 'e suddisfazzione pe' na cità sana e p"e patute d"a maglia azzurra 'e tutto 'o munno: a gghì a gghì accumminciaje nu periodo 'e crìsa ca tuccaje 'o funno co 'o scenufleggio d"a retrucessione â Serie B ô 1998, aroppo trentaduje anne senz'interruzzione 'e presenza â Serie A.

'A fora â staggione 2000-01 jucata in Serie A, 'o Napule rummanette â Serie B nfin'ô fallimiento d"a suggità pe' diebbete d"o 2004, quanno 'o produttore 'e cinema Aurelio De Laurentiis funnaje na nova suggità, 'o Napoli Soccer, ca p"o Lodo Petrucci partette d"a Serie C1. Â primma staggione 'e terza categoria 'o Napule arrivaje ô tierzo posto ma perdette 'e playoff contro ll'Avellino; ma ô campiunato 2005-06 ll'allenatore Edy Reja (ca ll'anno primma aveva pigliato 'o posto 'e Giampiero Ventura 'ncoppa 'a panchina) purtaje 'a squadra ô primmo posto.

D"o 23 'e maggio 2006 'o nomme è turnato a èssere Società Sportiva Calcio Napoli Spa comm'era apprimma d"o fallimiento.

Finarmente arrivaje 'a tanta suspirata prumuzzione â Serie A, grazzje ô siconno posto aroppo 'a Juventus e primma d"o Genoa. 'A staggione 2007-08 'o Napule s'accattaje jucature mpurtante comme Ezequiel Ivan Lavezzi e Marek Hamšík; chill'anno fernette a ll'uttavo posto d"a classifeca e se qualifecaje p"a Coppa Intertoto. 'A staggione 2008-09 'o Napule abbiaje bbuono 'o campiunato, cu 'e rinforze 'e Christian Maggio e German Gustavo Denis, ma poje int"a siconda parte d"a cumpetizione, cu Roberto Donadoni comme allenatore, se classificaje ô 12° posto. L'anno aroppo, 'o Napule s'è qualificato pur pe ll'Europa League, vincenno contro a ll'Elfsborg ê Playoff grazie a Edinson Cavani, ca facette arrevà ô Napule ô tierzo posto cu na caterva 'e gol.

Jucatore 'mpurtante

 

Jucature 'e mò

Rosa e nummerazzione aggiurnate ô 25 'e jennaro 2023.

N.RuoloJucatore
1 PAlex Meret
3 DKim Min-jae
4 CDiego Demme
5 DJuan Jesus
6 DMário Rui (V)
7 CEljif Elmas
9 AVictor Osimhen
11 AHirving Lozano
12 PDavide Marfella
13 DAmir Rrahmani
16 PHubert Idasiak
17 DMathias Olivera
18 AGiovanni Simeone
19 DBartosz Bereszyński
N.RuoloJucatore
20 CPiotr Zieliński
21 AMatteo Politano
22 DGiovanni Di Lorenzo (C)
23 AAlessio Zerbin
31 CKarim Zedadka
55 DLeo Skiri Østigård
68 CStanislav Lobotka
70 CGianluca Gaetano
77 CKhvicha Kvaratskhelia
81 AGiacomo Raspadori
91 CTanguy Ndombele
95 PPierluigi Gollini
99 CAndré Zambo Anguissa

Jonte 'a fore

Nutarelle



Chista è 'na vvoce ca fa parte dde articule 'n vitrina, zzo'è una dde migliore vvoce criate dda cummunetà.
Fuje ricanusciute 'o 8 'e settembre 2011

Signala 'na vvoce          Archivio         Tutte ll'articule 'n vitrina