Nnapulitano Wiki Viewer 2023
NnapulitanoDeutschEnglish

'O babà è nu dolce 'a furno tipico 'e Napule.

'O babà c''a rumma e 'a panna

Nu pucurillo 'e storia

Pure se 'e napulitane dicene ca sto dolce è 'o lloro, fuje originario d''a Pulonnia: difatte fuje mmentato d''o re Stanislaw Leszczynski. Isse chiammaje sto dolce babà, ca vô dicere sia dolce crisciuto 'e forma tonna, sia femmena vicchiariella.Sempe siconno 'a storia, 'o babà fuje purtato a Napule d''e franzese.

'A liggenna dice mmece c''o re lanciaje 'o dolce 'nfaccia a na crerenzia, scassanno na butteglia 'e rumma ca se arrevacaje ncopp''o dolce, e accussì piacett'ô re. Sicconno sta liggenna isse 'o chiammaje babà pecchè glie piaceva 'a storia 'e Alì Babà, 'o famoso perzunaggio d''o libbro "Le mille e una notte".

Caratteristeche

'O babà se fa crescere int'a na stampa c''a forma 'e trunco 'e cuoppo allungato, e po' se fa cocere int'a nu furno bello cauro. Accussì piglia culore e na forma 'e fungetiello. Aroppo ca s'è cuotto se tira 'a fora, e se fa asciuttà pe' nu juorno, cussì ca caccia l'ummeto. Po' se butta a galleggià int'a nu lìqueto 'e zuccaro, rumma o ate liquore comm''o limoncello. Aropp'a tutto chesto se spremme 'o lìqueto 'e troppo e se magna.

Vvoce pariente