Asturianu Wiki Viewer 2023
AsturianuDeutschEnglish

Wikimedia Commons

estoyu en llinia d'imáxenes, soníu y ficheros multimedia pa usu llibre

Wikimedia Commons (davezu acurtiáu como Wikicommons o simplemente Commons) ye un proyeutu de Wikimedia creáu'l 7 de setiembre de 2004, al envís de servir como almacén d'archivos d'imáxenes y otros formatos multimedia pal restu de los proyeutos de la fundación. Tolos archivos han tar lliberaos enantes baxo llicencies llibres (como la GFDL) o nel dominiu públicu.

Ficha de softwareWikimedia Commons
Commons-logo-en.svg
Commons screenshot.png
Versión inicial7 setiembre 2004
Escritu enPHP
Tamañu135 749 755 695 740, 246 218 971 518 004, 291 770 164 782 919, 326 359 483 952 645 y 375 021 629 721 153
Llingua orixinaldistintes llingües
TipuWikimedia content project (en) Traducir, archivu, wiki with script conversion (en) Traducir, proyeutu de Wikimedia y fototeca (es) Traducir
Clasificación n'Alexa300
N'asturianuSí 
Más información
TwitterWikiCommons y WikiCommonsComm
FacebookWikiCommons
Google+113750847505603536456
Instagramwikicommons
Sitiu webWeb oficial
Etiqueta de Stack ExchangeStack Exchange
Cambiar los datos en Wikidata

Anguaño tien más de 7 millones d'archivos multimedia llibres.

Historia

Primero de Commons, esistía una importante duplicación d'esfuerzos ente los proyeutos de Wikimedia, según les versiones en distintos idiomes d'ellos. Pa qu'un archivu qu'esistía nuna wiki pudiera utilizase n'otros, tenía de ser xubíu de nuevu a cada unu d'ellos.

En marzu de 2004, l'usuariu Erik Möller propón la creación d'un estoyu centralizáu de archivos multimedia, que sedría bautizáu como "Wikimedia Commons" y llanzáu'l 7 de setiembre del mesmu añu. A finales d'ochobre, un cambéu del software fechu por él mesmu dexó per primer vegada que los archivos de Commons pudieren ser utilizaos direutamente nos demás wikis, ensin necesidá de xubilos per separáu a cada unu d'ellos. En payares escoyó'l logotipu del proyeutu, obra del usuariu Reid Beels, quien lu creara orixinalmente pa Wikinoticies, siendo refugáu.

Finxos

Polítiques

Wikimedia Commons nun dexa archivos baxo fair use, llicencies que nun seyan llibres, nin llicencies llibres que nun dexen l'usu comercial o la creación d'obres derivaes (asina, nun s'almiten les variantes "NonCommercial" o "NoDerivs" de Creative Commons). Almítense namái archivos nel dominiu públicu o lliberaos so llicencies como la GNU o Creative Commons "Attribution" y "ShareAlike". Esto fai que la mayoría de les wikis dexen entá la xubida d'archivos llocal, pa poder asina xubir materiales que les polítiques d'esos proyeutos almiten, pero que violen les normes sobre llicencies de Commons.

Yá que l'envís cimeru de Commons ye sirvir de sofitu al restu de wikis de Wikimedia, esíxese que los archivos tengan una utilidá potencial pa los demás proyeutos. Asina, nun s'almiten fotografíes y otres obres puramente personales, al contrariu que n'estoyos como Flickr. A pesar d'ello, munchos de los archivos agospiaos en Commons entá nun s'utilizaron en nengún otru llugar, y pue que nunca lo faigan, yá qu'hai temes sobre los qu'hai munches más imáxenes que les que precisen los demás proyeutos. Esto fai que, por casu, ye daqué frecuente que nun artículu de Wikipedia enllazar les galeríes de Commons sobre'l mesmu tema como forma de facilitar material complementariu.

Imáxenes del añu

    
Imaxe del añu 2006Imaxe del añu 2007Imaxe del añu 2008Imaxe del añu 2009
    
Imaxe del añu 2010Imaxe del añu 2011Imaxe del añu 2012Imaxe del añu 2013
    
Imaxe del añu 2014Imaxe del añu 2015Imaxe del añu 2016Imaxe del añu 2017

Referencies

Enllaces esternos